બીજા વિશ્વયુદ્ધ દરમ્યાન જર્મનીએ બ્રિટન આવતા ખાંડના જહાજો બોમ્બમારો કરી ડુબાડી દીધા. બ્રિટનમાં ખાંડની તીવ્ર અછત થઈ. લોકો રેશનીંગની દુકાને 100-200 ગ્રામ ખાંડ માટે લાંબી લાઇનમાં ઉભા રહેતા.
તત્કાલીન વ.પ્ર. ચર્ચિલે લોકોને અપીલ કરી "ખાંડ માપમાં મળશે. જરૂરત પૂરતી જ ખાંડ ખરીદો. સંગ્રહ ન કરશો નહિ તો ગરીબ વર્ગ સાવ ખાંડ વગર રહી જશે"
બીજે દિવસે સંસદ જવા નીકળેલા ચર્ચિલે જોયું કે સુખી દેખાતા લોકો પણ દુકાનો ઉપર લાંબી લાઈનોમાં ઉભા હતા. એ દુઃખી થઈ ગયા કે બધાને મળશે એવી જાહેરાત પછી પણ લોકોને ધીરજ નથી!
સેક્રેટરીને તપાસ કરવા મોકલ્યા. થોડીવારે પાછા આવી એણે કહ્યું:
"સર, એ લાઈનો ખાંડ લેવા નહીં પણ જેમની પાસે વધુ ખાંડ હતી એ પાછી આપવા આવ્યા છે જેથી જેમની પાસે નથી એમને ય મળી રહે!!"
ચર્ચિલે ગદગદ થઈને કહ્યું " જ્યાં આવી પ્રજા હોય એ દેશને કોણ હરાવી શકે?"
પછી નો ઇતિહાસ જગજાહેર છે. આવુ કેરેક્ટર પ્રજાનું હોય તો દેશ મહાન થાય જ થાય...
પ્રજા દેશથી મહાન નથી બનતી, દેશ પ્રજાથી મહાન બનતો હોય છે.
Comments
Post a Comment